ചാര്ളിയുടെ ദുബൈ യാത്ര-3
ഞെട്ടല് കഴിഞ്ഞപ്പോള് കുഞ്ഞാലി മറന്ന് പോയ ശ്വാസം ഫ്രീയായി രണ്ട് മുന്ന് പ്രവശ്യമെടുത്ത് അകത്ത് കയറ്റി.
"എന്താത് കുഞ്ഞാലി, ആരാ ബോംബ് പൊട്ടിച്ചത്"
ശബ്ദം കേട്ട് ഓടിവന്ന കരിപ്പുര് സബ് ഇന്സ്പെക്റ്റര് സുനില് തോമസ്സിന്റെ ഒരു കൈയില് നീട്ടിപിടിച്ച റിവോള്വര്കണ്ട് കുഞ്ഞാലി വിണ്ടും ഞെട്ടി.
"സാര് ആ സാധനം ഒന്നങ്ങട് മാറ്റി പിടി, അബധത്തിലെങ്ങാനും അത് പൊട്ടിയാല്, പോലിസ് വെടിവെപ്പില് കുഞ്ഞാലി മരിച്ചുന്ന്, നാളെ നാട്ട്കാര് പറയും, തെളിയാത്ത കൂറെ കേസ് നിങ്ങളെന്റെ തലയില്കെട്ടി വെക്കുകയും ചെയ്യും. ഇവിടെ ആരും ബോംബ് പൊട്ടിച്ചിട്ടില്ല, ദാ, ഇയാള് തലക്കറങ്ങി വീണതാ".
സുനില് തന്റെ റിവോള്വര് ഉറയിലിട്ടു. കുഞ്ഞാലി പറഞ്ഞത് നേര, ആര്ക്കെങ്കിലും നേരെപിടിച്ചാല് ഉന്നം എയറിന്ത്യയുടെ വിമാനം റണ്വെയില് ഇറങ്ങുബോള് വളഞ്ഞ് പുളഞ്ഞ് പോകുന്ന പോലെ, ഒരു പോക്കാ, എത്ര ശ്രമിചിട്ടും ശരിയാവുന്നില്ല. പിന്നെ ഇവിടെ ഉന്നം പിടിക്കേണ്ട അവശ്യവുമില്ല.
"ഇതാര കുഞ്ഞാലി, എന്താ പ്രശ്നം".വീണ്കിടക്കുന്ന ചാര്ളിയെ പരിശേധിക്കുന്നതിനിടയില് സുനില് ചോദിച്ചു.
"ഇവന് ഒരു പാസ്പോര്ട്ടിന് വേണ്ടി വന്നതാ സാറെ, പത്തിനായിരമെന്ന് കേട്ടപ്പോയെ ഇവന്റെ ബോധം പോയി".
ചാര്ളിയുടെ മുഖത്ത് വെള്ളം കുടയുന്നതിനിടയില് കുഞ്ഞാലി പറഞ്ഞു.വെള്ളം മുഖത്ത് വീണതും ചാര്ളി കണ്ണ് തുറന്നു ചുറ്റും നോക്കി. പോലിസിനെ കണ്ടതും വന്ന ബോധം ട്രന്സ്ഫര് വാങ്ങി വീണ്ടും പോയി. അല്ല, എങ്ങനെ പോവാതിരിക്കും, ആ ജാതി സാധനമല്ലെ മുന്നില് നില്ക്കുന്നത്. ട്ടാറിടാത്ത പഞ്ചായത്ത് റോഡ് പോലെ കുണ്ടും കുഴിയും നിറഞ്ഞ മുഖത്ത് പോത്തിന്റെ കൊമ്പ് പോലെ രണ്ടറ്റവും പിരിച്ച് കയറ്റിയ മീശയുമായി, ശരീരത്തിലെ ചോര മുഴുവന് കണ്ണിലേക്ക് അവാഹിച്ച്, മാക്സിമം എയറ്പിടിച്ച്, ഇല്ലാത്ത മസിലോക്കെ ഊതി വീര്പ്പിച്ച് ഗുരുവായൂര് കേശവന് തലയുയര്ത്തി നില്ക്കുന്ന പോലെയല്ലെ സുനിലിന്റെ നില്പ്പ്.
മയക്കത്തിന്റെ ഇന്റര്വെല് സമയത്ത് മുന്നില് നില്ക്കുന്നത് കൊള്ളക്കാരനണോ പോലിസണോ എന്ന് സംശയം വന്ന ചാര്ളി വിശാലന് കൊക്കിനെ വെടിവെക്കുന്ന പോസില് വലത്തെ കണ്ണടച്ച്, ഇടത്തെ കണ്ണിന്റെ ഒരു കോര്ണറിലൂടെ വിണ്ടും സുനിലിനെ നോക്കി. ബോധത്തിന്റെ ഇന്റര്വല് സമയം കഴിഞ്ഞത്കൊണ്ട് വിണ്ടും ബോധം പോയി.
"ഇയാല്ക്കെന്താ ബോധം വന്നും പോയും ഇരിക്കുന്നത് കുഞ്ഞാലി". മീശ ചുരുട്ടി സുനില് ചോദിച്ചു.
"സ്ഥിരമായിട്ട് ബോധം ഇല്ലാത്തത്കൊണ്ടാണ് ഇങ്ങനെ" കുഞ്ഞാലി പറഞ്ഞു.
"സാറോന്ന് മാറി നിന്നെ, സാറിന്റെ ഷോക്സ് നാറിട്ട് വയ്യ, അത് മുക്കിലടിച്ചിട്ട് എന്റെ ബോധം ഇപ്പോ പോവും"
"ഡാ, പോലിസിനോട് കളിക്കുന്നോ, നിനെ ഞാന്..." എന്ന് പറഞ്ഞ് കുഞ്ഞാലിയുടെ മരമോന്ത നോക്കി ഒരു കീറങ്ങട് കീറാന് സുനിലിനു തോന്നി, പക്ഷെ ക്ഷമിച്ചു, കാരണം ഇവന് തന്റെ അന്നദാദാവാണ്. അളുകളെ ചവിട്ടികയറ്റാന് എമിഗ്രേഷന് ഓഫിസര്ക്ക് കിട്ടുന്നതിന്റെ പങ്ക്, കസ്റ്റസില്നിന്നുള്ള പങ്ക്, ട്ടാക്സിക്കാരുടെ പങ്ക്, പിന്നെ റിയാല് കച്ചവടക്കാരുടെ പങ്ക്, അങ്ങനെ ഒരുപാട് പങ്ക് ഇവന് വഴിയാ ശേഖരിക്കുന്നത്,അത്കൊണ്ട് തല്ക്കാലം അടങ്ങി ഒതുങ്ങി കഴിഞ്ഞില്ലെങ്കില്, നഷ്ടം തനിക്ക് തനെയെന്ന് സുനിലിന് മനസിലായി. ഭരണങ്ങാനത്തെ റബര് മരങ്ങള് മൊത്തം തന്റെ കൈകളിലാവാന് അധികം സമയമില്ലെന്ന് സുനിലിനറിയാം.
"കുഞ്ഞാനെ, ഈ ട്ടിക്കറ്റോന്ന് ശരിയാക്കികൊട്ത്താ" എന്ന് പറഞ്ഞ് ശശിയും കൂടെ കറുപ്പിനെ തോല്പ്പിക്കുന്ന കളറുമായി, കുളിഗ് ഗ്ലാസ് ധരിച്ച് ഒരു യാത്രക്കാരനും അവിടെയെത്തി.
"എങ്ങോട്ടാ" പാസ്പോര്ട്ടും ടിക്കറ്റും വാങ്ങി കുഞ്ഞാലി ചോദിച്ചു.
"ദുബൈ, അര്ജന്റ, ഒരു സിനിമ ഷൂട്ടിങ്ങുണ്ട്. അതില് ഒരു പ്രാധാന്യവുമില്ലാത്ത ഒരു വേഷം തരാമെന്ന് സംവിധായകന് പറഞ്ഞിട്ടുണ്ട്. അതിന് വേണ്ടിയാണ് യാത്ര. ട്രവല്സില് ചോദിച്ചപ്പോള് അടുത്ത രണ്ടാഴ്ചക്ക് ടിക്കറ്റില്ലെന്നാണ് പറഞ്ഞത്, നിങ്ങള് എങ്ങനെയെങ്കിലും ശരിയാക്കിതരണം" ബെര്ളിത്തരങ്ങളില് പോസ്റ്റ് വീഴുന്ന പോലെ ഒരു സ്റ്റോപുമില്ലാതെ യാത്രക്കാരന് പറഞ്ഞു.
"സംഗതി ശരിയാക്കാ, പക്ഷെ ഇപ്പോ ചിലവിത്തിരി കൂടും" കുഞ്ഞാലി മുഴുവനാക്കുന്നതിന് മുന്പ് യാത്രക്കരന് കാശെടുത്ത് നീട്ടി.
ഇതാരാപ്പാ ഇത്ര ഡിസന്റായി ഒരാള് ദുബായില് എന്ന് ചിന്തിച്ച്കൊണ്ട് കുഞ്ഞാലി കാശ് വാങ്ങി, പിന്നെ ആ മുഖത്തേക്ക് സുക്ഷിച്ച് നോക്കി. ഞെട്ടി, സത്യമായും കുഞ്ഞാലി ഞെട്ടി, കാരണം ആ യാത്രകാരന് കേരള ബ്ലോഗ് മിറ്റില് പങ്കെടുത്ത് മടങ്ങുന്ന, ബൂലോകത്തിലെ അപൂര്വ്വം പുലികളില് ഒരാളാണ്.
"അല്ല, നിങ്ങള്,..."വാക്കുകളന്വേഷിച്ച് കുഞ്ഞാലി അരവിന്ദിനെ മനസ്സില് ധ്യനിച്ചെങ്കിലും, അവിടുത്തെ സ്റ്റോക്ക് തിര്ന്നത്കൊണ്ട് കിട്ടിയില്ല.
"നിങ്ങള്, ബ്ലോഗിലെ, ..."